①Hae permanserunt aquae dies complures.
Conatus est Caesar reficere pontes,
sed nec magnitudo fluminis permittebat,
neque ad ripam dispositae cohortes adversariorum perfici patiebantur.
②Quod illis prohibere erat facile
cum ipsius fluminis natura atque aquae magnitudine,
tum quod ex totis ripis in unum atque angustum locum tela iaciebantur;
③atque erat difficile eodem tempore rapidissimo flumine opera perficere et tela vitare.
