③項 Quo pudore adducti
et fortasse non se liberari,
sed in aliud tempus reservari arbitrati
discedere ab nobis et novam temptare fortunam
novasque amicitias experiri constituerunt.
④項 Et cum paucis conlocuti clientibus suis,
quibus tantum facinus committere audebant,
primum conati sunt praefectum equitum C. Volusenum interficere,
ut postea bello confecto cognitum est,
ut cum munere aliquo perfugisse ad Pompeium viderentur;
⑤項 postquam id difficilius visum est
neque facultas perficiendi dabatur,
quam maximas potuerunt pecunias mutuati,
proinde ac <si> suis satisfacere et fraudata restituere vellent,
multis coemptis equis
ad Pompeium transierunt
cum eis, quos sui consilii participes habebant.
