①項 At in castris Curionis magnus omnium incessit timor animis.
Is variis hominum sermonibus celeriter augetur.
Unusquisque enim opiniones fingebat et ad id, quod ab alio audierat, sui aliquid timoris addebat.
②項 Hoc ubi uno auctore ad plures permanaverat,
atque alius alii tradiderat, plures auctores eius rei videbantur.
③項 Civile bellum; genus hominum;
quod liceret libere facere et sequi, quod vellet.
legiones hae, quae paulo ante apud adversarios fuerant;
nam etiam Caesaris beneficium mutaverat consuetudo qua offerrentur;
municipia etiam diversis partibus coniuncta
── aeque ex Marsis Paelignisque veniebant ──, ut qui superiore nocte in contuberniis commilitesque;
nonnulli graviora; sermones militum;
dubia durius accipiebantur.
nonnulla etiam ab iis, qui diligentiores videri volebant, fingebantur.
