①項 Erat in exercitu Vari Sex. (Sextus) Quintilius Varus,
quem fuisse Corfinii supra demonstratum est.
Hic dimissus a Caesare in Africam venerat,
legionesque eas transduxerat Curio, quas superioribus temporibus Corfinio receperat Caesar,
adeo ut paucis mutatis centurionibus idem ordines manipulique constarent.
②項 Hanc nactus appellationis causam
Quintilius circumire aciem Curionis atque obsecrare milites coepit,
ne primam sacramenti, quod apud Domitium atque apud se quaestorem dixissent, memoriam deponerent,
neu contra eos arma ferrent, qui eadem essent usi fortuna eademque in obsidione perpessi,
neu pro iis pugnarent, a quibus <per> contumeliam perfugae appellarentur.
③項 Huc pauca ad spem largitionis addidit, quae ab sua liberalitate, si se atque Attium secuti essent, exspectare deberent.
④項 Hac habita oratione
nullam in partem ab exercitu Curionis fit significatio, atque ita suas uterque copias reducit.
