2 Par mort la France prendra voyage a faire
Classe par mer, marcher monts Pyrenees,
Hespagne en trouble,marcher gent militaire:
Des plus grand dames en France emmenees.
3 D'Arras & Bourges, de Brodes grans enseignes
Un plus grand nombre de Gascons batre a
pied, Ceulx long du Rosne saigneront les
Espaignes: Proche du mont ou Sagonte s'assied.
4 L'impotent prince fache, plainctz & quereles.
De rapts & pilles par coqz & par libyques:
Grand est par terre,par mer infinies voiles,
Seure Italie sera chassant Celtiques.
5 Croix, paix, sous un accompli divin verbe,
L'Hespaigne & Gaule seront unis ensemble.
Grand clade proche,& combat tres acerbe:
Cueur si hardi ne sera qui ne tremble.
7 Le mineur filz du grand & hay prince,
De lepre aura a vingt ans grande tache:
De dueil sa mere mourra bien triste & mince.
Et il mourra la ou toumbe chet lache.
8 La grand cite d'assaut prompt repentin
Surprins de nuict, gardes interrompus
Les excubies & veilles saint Quintin
Trucides, garges & les pourtails rompus.
9 Le chef du camp au milieu de la presse
D'un coup de fleche sera blesse aux cuisses,
Lorsque Geneve en larmes & detresse
sera trahie par Lozan & Souysses.
10 Le jeune prince accuse faulsement
Metra en trouble le camp & en querelles:
Meurtri le chef pour le soustenement:
Sceptre apaiser : puis guerir escroueles.
